Për herë të parë në këtë edicion të ri të garave në Albi Mall Superligën e Kosovës u kompletua në tërësi një xhiro, në këtë rast e katërta, ku nuk munguan përballjet e bukura, golat e shumtë, por edhe tifozët në tribuna. Feronikeli ’74 kundër Dukagjinit e hapi xhiron e katërt, ku mysafirët fituan me rezultat 2-0. Prishtina shijoi fitoren e dytë radhazi në elitë duke mposhtur Llapin në një ndeshje spektakolare ku u shënuan pesë gola (3-2). Suhareka po ashtu e vazhdoi formën pozitive duke triumfuar në shtëpi ndaj Gjilanit me rezultat 3-2. Në takimin tjetër mes Malishevës dhe Ballkanit që ishte i fundit për teknikun Ilir Daja në stolin e therandasve, të besuarit e Bekim Isufit arritën të fitojnë me rezultat 3-2. Dueli që përmbylli xhiron e katërt në elitën e futbollit kosovar ishte ai mes Dritës dhe Ferizajt, kiu vendasit triumfuan me rezultat 3-1. Plotë 21 gola të shënuara në këtë xhiro, që solli ndeshje tepër interesante, të luftuara, por edhe shumë shikues në tribuna – e bëjnë xhiron e katërt më interesantet deri tani. Telegrafi ka zgjedhur 11-shen më të mirë të javës së katër nga pesë ndeshjet e zhvilluara në ditët që lamë pas. Portier Dukagjini duket se ka gjetur gardianin e duhur për këtë sezon, pasi Bekim Rexhepi ishte spekakolar në fitoren e skuadrës së tij ndaj Feronikeli 74 në “Rexhep Rexhepi”. Ai bëri disa pritje, por njëra ndër to ishte e denjë për koopertina të gazetave.
Mbrojtja Faza defanzive vjen me katër. Në të djathtë është Besnik Krasniqi i cili asistoi në dy gola të shënuar në Drita kundër Ferizajt. Ai vazhdon të jetë i palodhshëm si në mbrojtje ashtu edhe në sulm. Në qendër është Ilir Syla i Dukagjinit, i cili jo vetëm se shënoi gol, por edhe në mbrojtje ishte i pakalueshëm, duke kompletuar një ndeshje perfekte si në nivelin personal, ashtu edhe atë ekipor.
Një vend në qendër të mbrojtjes e zë edhe Arbër Prekazi, i cili duket se këtë sezon ka gjetur formën e tij dhe është kthyer në ditët më të mira. Jo vetëm që shënoi një gol të bukur me kokë, por ai ishte i jashtëzakonshëm në lojën në ajër, duke fituar çdo top në zonën e tij, ndërsa në duele i pakompromisë.
Në të majtë është i vendosur mbrojtësi malazez, Nikola Stijepovic i Suharekës, i cili po ashtu bëri nëj ndeshje shumë të mirë ndaj Gjilanit, duke shënuar edhe golin e barazimit për ekipin e tij, që pastaj morën edhe fitoren.
Me të në krahë është talenti Arvanit Rexhaj, i cili u fut në pjesën e dytë duke i dhënë kahje tjetër lojës së Suharekës. Talenti përveç se shënoi golin e fitores, ishte i përfshirë edhe në golin e barazimit për 2-2.
Vlen të cekët se paraqitje të mirë në mesfushë këtë xhiro kishin edhe Robert Rrahmani i Gjilanit dhe Vesel Limaj i Malishevës.
