Nga një orë dore për të gjithë – Haaland shpenzon mbi 600 mijë euro për bashkëlojtarët dhe stafin e Borussia Dortmund duke bërë mbi 50 dhurata

Sulmuesi norvegjez Erling Haaland i ka thënë lamtumirë Borussia Dortmundit, pasi u largua zyrtarisht fundjavën e kaluar, ku nga sezoni i ardhshëm do të jetë lojtar i Manchester Cityt.

Para se të largohej nga Borussia Dortmundi, Haaland vendosi t’u bënte dhurata bashkëlojtarëve dhe stafit të klubit duke iu blerë një orë, shkruan Bild.

Pjesa sportive e ekipit (33 anëtarë) morën nga Rolex të gdhendur që kushtonin rreth 15 mijë euro copa, ndërsa gjysma e shpenzuar për stafin mbështetës (20 anëtarë) të cilët morën orë Omega në vlerë 7000 euro.

Erling Haaland gave each of his teammates an engraved Rolex watch and every member of Dortmund's backroom staff an OMEGA watch as a goodbye gift, per @BILD_Sport 💛 pic.twitter.com/QSyhgnx1PQ

— B/R Football (@brfootball) May 20, 2022

Për këto dhurata Haaland ka shpenzuar gjithsej rreth 635 mijë euro.

Kujtojmë, Haaland mbërriti te Borussia Dortmund në vitin 2020 nga RB Salzburgu dhe gjatë kësaj kohe ai shënoi 86 gola dhe pati 23 asistime në 90 ndeshje që luajti për ‘Milionerët’.

Erling Haaland spends £500k on gifts for Borussia Dortmund players and staff ahead of Manchester City transfer #MCFC https://t.co/4VHAAWSpSa

— talkSPORT (@talkSPORT) May 20, 2022

Së fundmi ai ka nënshkruar kontratë me Man Cityn deri në vitin 2027 dhe do të fitojë rreth 20 milionë në sezon.

Sipas një deklarate zyrtare nga Borussia Dortmund, klubi do të marr nga Man City të ardhura totale prej 35 deri në 40 milionë euro.

Transferimi arriti në 75 milionë euro, duke lënë të kuptohet se RB Salzburgu kishte siguruar më parë një përqindje të caktuar në shitjen e dytë të tij. /Telegrafi/