Nga “flija” e deri te “pitja me djath” – Action Bronson tregon cilat ushqime tradicionale do t’i ha gjatë qëndrimit në Kosovë

Hip hop ylli shqiptar, me famë botërore, Action Bronson, është një prej emrave më të njohur të skenës së repit dhe gjithnjë tërheq vëmendje me paraqitjet e tij.

Action Bronson ka konfirmuar se do të qëndrojë në Kosovë për të performuar në Sunny Hill Festival, i vetmi koncert ku do të performojë pasi anuloi të gjitha performancat tjera.

Por, jo vetëm. Ai do të xhirojë një prej emisioneve të tij “F*ck that’s Delicious” gjatë qëndrimit në Prishtinë, e që ky emision do të transmetohet pas përfundimit të festivalit Sunny Hill Festival.

Se sa është i apasionuar pas ushqimit tradicional shqiptar, ai këtë e ka përmendur në të gjitha intervistat dhe në të gjitha emisionet ku ka marrë pjesë.

Gjatë qëndrimit të tij në Kosovë, ai është pritur nga drejtori i Sunny Hill Festival, Dukagjin Lipa dhe një prej organizatorëve, DJ i njohur, DJ Gamblemania.

Në diskutim e sipër të publikuar nga Gamblemania, emri i vërtetë i të cilit është Adrian Berisha, Aciton Bronson pranon se do të ha “fli” dhe “speca me gjizë”.

Action Bronson do të performojë në këtë festival dhe po në të njëjtën ditën (ditën e dytë) më 11 gusht performon edh Gamblemania, një prej DJ-ve më të suksesshëm në vend.

Sunny Hill Festival fillon më 10 gusht, të premtën dhe përfundon më 12 gusht, të diellën. Biletat e fundit mund t’i gjeni në SunnyHillFestival.com. /Telegrafi/