Neymar nuk e do Emeryn për trajner, këta janë emrat e mundshëm për zëvendësim

Ylli brazilian i PSG-së, Neymar nuk është duke kaluar momente të mirë me trajnerin Unay Emery.

Siç raporton e përditshmja franceze ‘L’Equipe’, marrëdhëniet mes tyre nuk janë aspak të mira. Braziliani nuk i pëlqen mënyrat e stërvitjes të trajnerit dhe nga ana e tij spanjolli Emery nuk pranon aspak disa sjellje të sulmuesit.

Situata e krijuar e ka shqetësuar shumë ish-yllin e Barcelonës.

Një burim i ‘L’Equipe’ brenda klubit ka bërë të ditur se Neymar nuk e fsheh më antipatinë për trajnerin duke e injoruar atë hapur me gjeste, që shihen nga të gjithë.

Lexo po ashtu Neymar pasardhës i Ronaldos te Real Madridi, takimet kanë filluar të mbahen

Ndërkohë që Emery ka tentuar të flasë me “Princin” e Parisit, për të sqaruar situatën.

Por këtë Emery nuk ia ka arritur.   Me Neymar të pakënaqur shtohen edhe më shumë spekulimet se pikërisht fundi i sezonit mund të sjellë edhe zëvendësimin e Emery, që pavarësisht ecurisë shumë të mirë, mund të lirojë stolin.

Emrat që janë lakuar që tani si kandidatë të mundshëm për të vijuar rrugëtimin e PSG-së drejt majave janë Jose Mourinho, Antonio Contes dhe Massimiliano Allegri./Telegrafi/