“Nëse fitojmë Ligën e Evropës, nuk më intereson se në cilin pozicion luaj!” – Xhaka i lumtur edhe si mbrojtësi i improvizuar

Granit Xhaka do të vazhdojë me kënaqësi të plotësojë krahun e majtë të mbrojtjes, nëse kjo do të thotë që Arsenali të fitojë trofeun e Ligës së Evropës këtë sezon.

Mesfushori luftarak shqiptar e ka gjetur veten duke operuar jashtë zonës së tij komode për momentin, pasi dëmtimet e të tjerëve kanë detyruar trajnerin Mikel Arteta të bëhet krijues me zgjedhjet e skuadrës së tij.

Xhaka ka dalë në mënyrë të admirueshme në një vend mbrojtës, duke i lejuar Topçinjtë të shmangin çdo dhimbje koke të padëshiruar brenda dhe jashtë vendit, dhe ky ndryshim ka dalë i suksesshëm pas Arsenali ka arritur gjysmëfinalen, ku do të ndeshen me Villarrealin.

Lexo po ashtu Arsenali i pamëshirshëm ndaj Slavias, fiton si mysafir dhe kalon në gjysmëfinale

Pasi u rreshtua në krahun e majtë të mbrojtjes përsëri në fitore mahnitëse 4-0 për Arsenalin në udhëtim te Slavia Prague, Xhaka ka folur për faqen zyrtare të klubit.

“Nëse fitojmë Ligën e Evropës kështu, nuk më intereson cilën pozicion luaj!”, ka thënë fillimisht Xhaka.

“Nëse duhet të ndihmoj ekipin aty, duhet të ndihmoj. Unë jam djali që do të bëj gjithçka për ekipin”.

🔴 Two games at left back
⛔ Two clean sheets

"If we win the @EuropaLeague like this, I don't care which position I play." – Granit Xhaka ❤️

— Arsenal (@Arsenal) April 15, 2021

“Sigurisht, të gjithë e dinë që nuk është pozicioni im i rregullt, por me shokët e skuadrës, ata më ndihmojnë dhe më trajnojnë gjithashtu, para dhe prapa”.

“Jam shumë i lumtur që ndihmova ekipin edhe në këtë pozicion. Mundohem më së miri dhe në dy ndeshjet e fundit ishte një paraqitje e mirë”, përfundoi mesfushori shqiptar. /Telegrafi/