Nëna e Nora Istrefit kap mikrofonin për të kënduar pas shumë vitesh, teksa Roberti e përlot këngëtaren me mesazhin emocionues në emision

Këngëtarja e njohur shqiptare, Nora Istrefi, këtë javë ka përjetuar një befasi të këndshme në xhirimet e episodit të ri të emisionit “Dua të të bëj të lumtur”.

teksa ishte e ftuar speciale në emisionin e Arbana Osmanit për të befasuar një fanse, Nora ra pre edhe e disa befasive që ishin organizuar për të.

Në promon e emisionit e cila ka filluar tashmë të transmetohet, shihet se si në mbrëmjen e së shtunës mikrofonin për të kënduar, pas kaq vitesh do ta kapë nëna e Norës, ish-këngëtarja e njohur Suzana Tahirsylaj-Istrefi.

https://www.instagram.com/p/B76DfhygIMH/?utm_source=ig_embed

Suzana në rininë e saj ishte këngëtare e njohur e muzikës popullore dhe asaj të lehtë, por që pas vdekjes së bashkëshortit të saj, Nezir Istrefi, ajo e braktisi këngën dhe rrugëtimin në këtë degë e vazhduan dy vajzat e saj: Nora dhe Era.

Në emision, Nora gjithashtu do të mirëpresë një befasi shumë të këndshme edhe nga ish-bashkëshorti i saj, Robert Berisha.

Ai i ka dërguar asaj një video-mesazh duke treguar respektin që ka për të si nëna e vajzës së tij, si dhe kujtimin e momenteve të mira që kanë kaluar së bashku. /Telegrafi/