Në pritje të njoftimit nga UEFA – finalja e Ligës së Kampionëve do të zhvendoset nga Rusia

UEFA pritet të njoftojë nesër (e premte) zhvendosjen e lokacionit të finales së Ligës së Kampionëve nga St Petersburgut pas sulmit që Rusia i ka bërë Ukrainës – njofton Sky Sports News.

Presidenti i UEFA-s, Aleksander Ceferin, ka thirrur një takim të jashtëzakonshëm të komiteti ekzekutiv për ditën e premte.

Kjo është njoftuar nga mediat fillimisht, por më vonë edhe nga vet faqja zyrtare e UEFA-s.

Lexo po ashtu Finalja e Ligës së Kampionëve, UEFA po e monitoron situatën dhe vendimi do të merret në kohën e duhur

“Pas evoluimit të situatës mes Rusisë dhe Ukrainës, presidenti i UEFA-s ka thirrur një mbledhje të jashtëzakonshme të Komitetit Ekzekutiv për në orën 10:00 të premten e 25 shkurtit, për të vlerësuar situatën dhe për të marrë të gjitha vendimet e nevojshme”.

Further communication will be made after the meeting of the UEFA Executive Committee.

— UEFA (@UEFA) February 24, 2022

“Komunikimi i mëtejshëm do të bëhet pas mbledhjes së Komitetit Ekzekutiv të UEFA-s”, thuhet në njoftimin e UEFA-s.

Ndryshe, finalja e Ligës së Kampionëve është paraparë të zhvillohet në stadiumin “Gazprom Arena” më 28 maj. /Telegrafi/