Në Maqedoni hudhen rreth 5.000 ton ushqim në vit

Organizata e konsumatorëve të Maqedonisë (OKM) së bashku me Agjencinë për ushqim dhe veterinari (AUV) dhe Kryqin e kuq sot në qendrën Vero në Shkup shënuan 16 Tetorin, Ditën botërore të ushqimit dhe 17 Tetorin, Ditën ndërkombëtare për luftë kundër urisë, duke promovuar ushqime dhe duke shpërndarë broshura për edukim të qytetarëve për atë se çka nënkupton ushqim i sigurt, si ta dallojnë dhe si ta mbrojnë kur ta sjellin në shtëpitë e tyre, që të mbetet e sigurt për konsumim sa më gjatë dhe të mos hudhet.

“Qëllimi i ngjarjes së sotme është të apelojmë deri te qytetarët dhe institucionet përkatëse të ndërmarrin diçka rreth hedhjes së ushqimit në Republikën e Maqedonisë. Sipas të dhënave statistikore të cilat i kemi, në Maqedoni brenda një viti hidhen 5.000 ton ushqim. Me atë sasi të ushqimit do të mund të ushqeheshin 13.000 persona me nga tre vakte në ditë ose një qytet i vogël në Maqedoni të ushqehet tërë vitin”, tha Marija Llonçar Vellkova nga OKM.

Ajo theksoi se së bashku me Kryqin e kuq duan të nxisin shitoret dhe prodhuesit e ushqimeve të ndërmarrin masa për largimin në kohën e duhur të ushqimeve që janë para skadimit të afatit të përdorimit që të mund të ju shpërndahet skamnorëve./Telegrafi/