LAJMI I FUNDIT:

Ndihmës sekretari Wess Mitchell viziton Shkupin për të kumtuar porositë e SHBA-ve

Ndihmës sekretari Wess Mitchell viziton Shkupin për të kumtuar porositë e SHBA-ve

Ndihmës sekretari amerikan i shtetit, për Evropë dhe Euroazi, Wess Mitchell do të mbërrij sot në Maqedoni, për të realizuar disa takime me krerët shtetëror të vendit.

Siç ka bërë të ditur ministri i Punëve të Jashtme, Nikolla Dimitrov, në takime me të dërguarin amerikan do të diskutohet edhe për çështjen e emrit, përcjell Telegrafi Maqedoni.

Pritet që Mitchell të sjell porosinë e SHBA-ve për mbështetje në integrimet euro-atlantike, për të zgjidhur çështjen e emrit, por edhe për të zbatuar reformat që forcojnë demokracinë dhe sundimin e ligjit në vend.

Mitchell do të takohet me Kryeministrin Zoran Zaev, si dhe me ministrin e Punëve të Jashtme, Nikolla Dimitrov./Telegrafi/