Ndeshja ndaj Spezias është vendimtare për trajnerin Fonseca

Përplasja e ardhshme me Spezian mund të jetë vendimtare për të ardhmen e trajnerit të Romës, Paulo Fonseca, i cili mund të shkarkohet.

Giallorossët u eliminuan nga 1/8-ta në Coppa Italia nga skuadra e sapo promovuar e Serie A në fillim të kësaj jave.

Të shtunën, të dy ekipet takohen përsëri në Stadio Olimpico për ndeshjen e vlefshme për kampionat dhe kjo vlen shumë për trajnerin Fonseca.

Lexo po ashtu Tensione te Roma, lojtarët kundër vendimit të klubit

Sipas mediumit Il Corriere dello Sport, ndeshja mund të jetë vendimtare për të ardhmen e Fonsecas pavarësisht se Roma aktualisht është e katërta në tabelë.

Drejtori i ri i përgjithshëm Tiago Pinto është i bindur që Fonseca është ende personi i duhur për këtë punë dhe Dan dhe Ryan Friedkin gjithashtu preferojnë të mos zëvendësojnë trajnerin e tyre para fundit të sezonit.

Sidoqoftë, trajneri portugez duhet ta mundë Spezian nesër nëse dëshiron ta mbajë të sigurt punën e tij pasi Massimiliano Allegri tashmë ka informuar drejtorët e Romës se është “magjepsur” nga Giallorossët.

Lexo po ashtu Roma konsideron katër trajnerë si pasues të Fonsecas, Allegri dhe Sarri më favoritë

Ish-trajneri i Juventusit është kandidati numër 1 për të zëvendësuar Fonseca, nëse ai shkarkohet. Allegri kërkon një pagë prej shtatë milionë euro në vit, por mund të ulë kërkesën e tij për t’u kthyer në veprim pas pothuajse dy vitesh pasivitet.

Sipas raportit, Maurizio Sarri, Leonardo Jardim dhe një kthim i Luciano Spalletti po konsiderohen gjithashtu nga Giallorossët. /Telegrafi/