A ndërlidhet vizita e komisionerit të BE-së me betimin e tre kryetarëve?

Duke ditur qëndrimin e BE-së për betimin e kryetarëve të rinj të veriut, vizita e Varhelyi në Kosovë nuk po duket krejt e rastësishme. Profesorët universitarë ndajnë mendime të ndryshme nëse kjo vizitë ndërlidhet me këtë proces, megjithëse thonë se është e favorizuara e Bashkimin Evropian.

Derisa në komunat veriore të Kosovës po bëheshin betimet e kryetarëve, një figurë e rëndësishme e Bashkimit Evropian mbërriti në zyrën e Vjosa Osmanit.

Komisioneri për Zgjerim dhe Fqinjësi i Bashkimit Evropian, Oliver Varhelyi kishte zgjedhur këtë të enjte që të vizitoj krerët e shtetit përfshirë edhe ata të partive politike.

Mirëpo duke ditur deklarimit që Unioni Evropian ka dhënë për kryetarët e komunave të veriut, kjo vizitë po konsiderohet e ndërlidhur me procesin e  betimit.

“Natyrisht që ka lidhje edhe me atë që është duke ndodhur në veriun e Kosovës, ju e dini që qëndrimi i BE-së është që këta kryetarë do të mund të jenë në rastin më të mirë teknikë, pasi e dini që serbët lokalë nuk kanë marrë pjesë në zgjedhje, dhe legjitimiteti i tyre është relativisht i ulet”, ka thënë Dorajet Imeri.

Veçse mendim tjetër ka profesori universitar Arben Fetoshi.

Lexo po ashtu Varhelyi shkon këmbë nga jugu në veri, takon Listën Serbe

“Referuar përgjegjësive që ka komisioneri për Zgjerim, unë nuk mendoj që vizita e tij në Kosovë ndërlidhet me betimin e tre kryetarëve sot në veri të vendit. Për shkak se jam I bindur se në Agjendën e tij prioritet ka procesi i reformave evropiane dhe përgatitja e vendeve të Ballkanit Perëndimor për agjendën e integrimit drejt bashkimit evropian”, ka thënë ai.

Nga ana tjetër deklaratave të krerëve shtetëror iu është bashkuar profesori universitar Dorajet Imeri, që mendon se favoritja e BE-së është Serbia, veçse sipas tij, kjo nuk e lejon Kosovën të mos përmbushë obligimet.

“Bashkimi evropian është i njëanshëm, dhe e ka favorizuar në mënyrë të vazhdueshme Serbinë,  por në këtë kohë që Kosova dhe Serbia janë dakorduar që të ketë një marrëveshje dhe se zbatimi I saj nënkupton fillimin e themelimit të asociacionit, nënkupton që ne kemi marrë obligime të cilat nuk po i kryejmë”, ka thënë ai.

Obligimin e Asociacionit, si të vetmen rrugë që duhet ndjekur në këtë moment po e sheh edhe Fetoshi.

“Bashkimi evropian shpeshherë ka ditë të mos jetë neutral në rolin e vetë, të ndërmjetësit dhe shpesh herë është dukë që  e ledhaton Serbinë kundrejt Kosovës në procesin e dialogut, por nëse i referohemi detyrave, të marra me marrëveshjen e Ohrit, mendoj që ajo që po kërkohet nga Kosova prej faktorëve ndërkombëtarë është në përputhje me agjendën, që rezulton nga obligimet që ka marrë Kosova përsipër”, ka thënë Fetoshi.

Pas takimeve me krerët shtetërorë, Varheley të enjten  ka përsëritur kërkesën e BE-së që Serbia e Kosova të përmbushin obligimet.