NASA planifikon ndërtimin e një shtëpie në Hënë deri më 2040, do të jetë “Airbnb” i parë për civilët jashtë planetit Tokë

NASA planifikon krijimin e një Airbnb që nuk do të gjendet në planetin Tokë.

Agjencia amerikane hapësinore i ka ndarë një kompanie 60 milionë dollarë për ndërtimin e një shtëpie në Hënë, që pritet të jetë e gatshme deri më 2040 dhe që do nuk do të shërbejë vetëm për astronautët por edhe civilët, transmeton Telegrafi.

Fillimisht planifikohet të dërgohet një printer gjigant 3D në Hënë, dhe të përdoret për prodhimin e betonit dhe gurëve e fragmente tjera të mineraleve të ndryshme, që do të shërbejnë për shtëpinë.

Gjithashtu NASA po punon me universitetet dhe kompanitë private në ndërtimin e dyerve, mobileve për shtëpinë në Hënë.

Planet janë në fazën e parë, ku vetëm “renderët” janë prezantuar vitin e kaluar, dhe fotografitë tregojnë sesi do të dukej “shtëpia” që mund të ndryshojë dizajn gjatë dekadave të ardhshme.

Megjithatë nuk është bërë e ditur nga NASA se sa civilë mund të qëndrojnë brenda shtëpisë në Hënë.

Por është kompania ICON me seli në Austin, Teksas që fitoi kontratën nga NASA dhe që do të përdorë printerët 3D për ndërtimin e shtëpisë luksoze. /Telegrafi/