NASA arrin të prodhojë oksigjen në Mars

NASA ka prodhuar mjaftueshëm oksigjen në Mars “për të mbajtur një astronaut gjallë” për disa orë në një eksperiment të parë në botë.

Sipas mediave të huaja, përcjell Telegrafi, Roveri Perseverance, i cili u ul në planetin e kuq në shkurt të vitit 2021, është “djegur periodikisht” përmes dioksidit të karbonit të atmosferës për të gjeneruar sasi të vogla oksigjeni për më shumë se dy vjet.

Dhe duke përdorur një pajisje jo më të madhe se një mikrovalë, ata ishin në gjendje të nxirrnin 122 g oksigjen në total – i cili mund të mbështesë një astronaut për rreth tre orë.

Siç thuhet më tej, rreth 5 g është e mjaftueshme për një astronaut për 10 minuta, duke dhënë shpresë se prodhimi në një shkallë më të madhe mund të mbështesë jetën e njeriut dhe të sigurojë karburant raketash gjatë eksplorimeve të ardhshme.

Pajisja, e quajtur MOXIE, prodhoi oksigjen në 16 raste të veçanta që nga përpjekja e parë në prill 2021, dhe rezultati i ka tejkaluar shumë qëllimet fillestare të NASA-s, sipas Pam Melroy.

“Performanca mbresëlënëse e MOXIE tregon se është e mundur të nxirret oksigjen nga atmosfera e Marsit – oksigjen që mund të ndihmojë në furnizimin me ajër të frymëmarrjes ose shtytës raketash për astronautët e ardhshëm”, ka thënë ajo.

Në kulmin e saj, MOXIE krijoi 12 g oksigjen në një orë, që ishte qëllimi i dyfishtë i NASA-s, dhe ai kishte të paktën 98% pastërti.

Në funksionin e tij përfundimtar muajin e kaluar, instrumenti prodhoi 9.8 g oksigjen. /Telegrafi/