Napoli arrin marrëveshje me PSV-në, afër zyrtarizimi i Lozanos

Sulmuesi i PSV-së, Hirving Lozano më në fund është i lirë të nënshkruajë për Napolin, pasi një marrëveshje prej 42 milionë eurosh thuhet se u arrit mes dy klueve.

Lazono ka treguar formë të lartë në vitet e fundit me klubin holandez dhe kombëtaren e Meksikës duke u bërë kështu një objektiv real i italianëve.

Sipas mediumeve Voetbal International dhe Tuttomercatoweb, Lozano ka vendosur për Napolin, me klubet dhe lojtarin që kanë arritur marrëveshje totale rreth transferimit.

Lexo po ashtu Dhjetë transferimet e mëdha që ende mund të ndodhin – Neymar, Icardi, Dybala e Coutinho mund të ndryshojnë mjedis

Sidoqoftë, testet mjekësore nuk pritet të kryhen deri të hënën ose të martën e javës së ardhshme.

Kjo pasi sipas Voetbal International, PSV ka ende ‘çështje administrative’ për përfunduar me ish-klubin e lojtarit, meksikanët e Pachucas.

Tuttomercatoweb, nga ana tjetër, pretendon se vonesa ka të bëjë me detajet e fundit të mbetura mbi të drejtat e imazhit.

Sidoqoftë, ai do të bëhet një shitje rekord për klubin holandez dhe nga ana tjetër – blerja më e kushtueshme në historinë e Napolit. /Telegrafi/