Radja Nainggolan shpreson që të rikthehet te Roma, derisa është i penduar për largimin nga Olimpico.

Mesfushori belg e kishte shkëlqimin më të madh në karrierë pikërisht te Giallorossët, mirëpo zgjodhi të kalonte te Interi.

Nerazzurët e mbajtën atë për një sezon, derisa me ardhjen e Antonio Contes në krye të skuadrës, ai u huazua te Cagliari.

nainggolan e1577452025478

Calciomercato raporton se Nainggolan po tenton që t’i bind drejtuesit e Romës që të rikthejnë atë në skuadër në këtë verë.

Interi është i gatshëm që t’i dëgjojë ofertat për të, por që të drejtën e tij për blerje e ka Cagliari.

Nëse mesfushori e bind skuadrën ku qëndron aktualisht për mos blerjen e tij, Roma mund të rikthejë atë në skuadër.

Nainggolan kishte luajtur për katër vite te romakët, derisa kishte kaluar te rivali i Serie A-s për 38 milionë euro. /Telegrafi/

Serie A Sport
telegrafi sport app