Nacho: Ronaldo tashmë legjendë e Realit sikur Di Stefano

Mbrojtësi i Real Madridit, Nacho Fernandez, thotë se bashkëlojtari i tij, Cristiano Ronaldo, tashmë radhitet në mesin e legjendarëve të klubit mbretëror.

Ronaldo dhe Reali do të kërkojnë të fitojnë Ligën e Kampionëve për të tretin vit rresht.

Pesë herë fituesi i Topit të Artë ka tashmë katër tituj të Ligës së Kampionëve, një prej të cilëve e ka fituar me Unitedin.

Dhe, Nacho beson se Ronaldo meriton që të krahasohet me Di Stefanon, golat e të cilit dërguan Realin drejt pesë triumfeve në Ligën e Kampionëve.

“Unë besoj se Cristiano tashmë mund të krahasohet me Di Stefanon. Ronaldo nuk është legjenë, ai është lojtar spektakolar, me të gjithë ato Topat e Artë që i ka fituar. Kur vitet të kalojnë, ne sigurisht se do të vlerësojmë kontribuin e tij edhe më shumë”.

Real Madrid legend Cristiano Ronaldo 🏆🏆🏆🏆#UCLfinal pic.twitter.com/xX70mO2YKl

— UEFA Champions League (@ChampionsLeague) May 23, 2018

“Nëse Reali e fiton tash Ligën e Kampionëve, do të bëjmë historinë. Do të ishte historike. Si fëmijë gjithmonë ëndërroni të fitoni Ligën e Kampionëve dhe kur e ke përpara mundësinë për ta fituar për herë të katërt, është e pabesueshme”.

“Unë e kam parë shumë Liverpoolin këtë vit. Do të jetë me rëndësi të përqëndrohemi ndaj lojtarëve që janë të shpejtë e që Liverpooli i ka të tri lojtarët në krye të sulmit. Duhet ta jetojmë secilin moment të finales”, u shpreh Nacho. /Telegrafi/