Mustafa: Kosova ka filluar një kapitull të ri

Ka nisur mbledhja e parë e Komisionit Parlamentar për Stabilizim Asociim, BE-Kosovë.

Me këtë rast, kryeministri i vendit, Isa Mustafa ka thënë se Kosova ka filluar një kapitull të ri ndërsa këtë marrëveshje e ka cilësuar si diçka që ju ofron shumë mundësi qytetarëve.

“Kosova ka filluar një kapitull të ri, kjo marrëveshje ofron shumë të mira për qytetarët tanë, ofron siguri dhe stabilitet. Është konfirmuar vullneti i qytetarëve të Kosovës si vizion madhor, kjo është marrëveshje e rëndësishme drejt integrimit evropian”, tha ai.

Mustafa ka deklaruar se kjo marrëveshje është si produkt i të gjithëve.

“Marrëveshja nënkupton angazhimin e gjithë spektrit politik, shoqnisë civile e biznese sepse shumë pika të marrëveshjes përfshijnë një spektër të gjerë të akterëve”.

Ai ka thënë gjithashtu se marrëdhëniet kontraktuese do të ndikojnë në vendosjen e standardeve evropiane ndërsa për marrëveshjen e MSA-së ka thënë se është agjendë e veçantë për krijimin e tregut të përbashkët mes Kosovës dhe BE-së.