Musliu: Putin mund të jetë në Beograd

Drejtori i Institutit “Octopus”, Agim Musliu, duke komentuar zhvillimet në Rusi, ka thënë se presidenti rus Vladimir Putin tashmë mund të jetë strehuar në Beograd.

Musliu, lidhur me zhvillimet e fundit në Rusi, ku trupat e formacionit paraushtarak të Putinit, Wagner, kanë marrë një qytet dhe kanë nisur marshimin drejt kryeqytetit rus, ka thënë se presidenti rus tani mund të jetë në Beograd.

“Vendndodhja e Putinit mund të jetë Beogradi. Serbia ia ka borxh këtë Rusisë. Mos harroni, ish-kreu i ushtrisë jugosllave iku në Moskë dhe gruaja e Millosheviqit dhe shumë të tjerë. Vuçiq ka marrë çmimin më të lartë rus. Kush e di?!”, ka shkruar Misliu në Twitter, transmeton Telegrafi.

The location of #Putin can be #Belgrade. 🇷🇸 owes this to 🇷🇺. Don't forget, the former head of the #Yugoslav army fled to Moscow, and so did #Milosevic's wife. and many others. #Vucic has received the highest Russian award. Who knows?! pic.twitter.com/Gzkel7Eint

— Agim Musliu (@agim_musliu) June 24, 2023

Gjatë ditës kishte informacione se presidenti rus mund ta ketë braktisur vendin, zëdhënësi i Vladimir Putinit, Dmitry Peskov deklaroi se presidenti rus “po punon në Kremlin” në Moskë.

Lexo po ashtu Ku gjendet Vladimir Putin?

Disa njerëz kanë vërejtur largimin e aeroplanit special Il-96-300PU të presidentit rus nga Moska, sipas shërbimit të gjurmimit të aeroplanëve FlightRadar.

Më pas aeroplani u zhduk nga sistemi pranë qytetit të Tverit, në veriperëndim të Moskës, raporton bbc.

Putini thuhet se shpenzon shumë kohë në rezidencën e madhe në liqenin Valdai, që ndodhet në veri-perëndim të Moskës dhe ka gjasa të ketë shkuar aty pas zhvillimeve të fundit në Rusi.

Ndryshe, shefi i Wagnerit, Yevgeny Prigozhin tashmë ka dal haptas kundër Putinit dhe po e akuzon për korrupsion, mashtrim e burokraci. /Telegrafi/