Mungesa e çipave: Canon duhet të shesë tonerë “të falsifikuar”

Biznesi i madh për prodhuesit e printerëve nuk është vetë printeri, por boja dhe toneri. Për këtë arsye, është një gjemb në këmbë për shumë kompani nëse klientët nuk blejnë materiale harxhuese origjinale.

Kjo është arsyeja pse kompani si Canon kanë ndërtuar një lloj mbrojtjeje nga kopjimi në tonerët dhe ‘fishekët’ e tyre. Kjo zakonisht zbatohet me një mikroçip që konfirmon origjinalitetin e produktit ose kontrollon nivelet e mbushjes. Nëse toneri është bosh, ai ruhet në çip – kjo synon të kufizojë rimbushjen.

Nëse përdoret toner ose bojë nga një prodhues palë e tretë – d.m.th. pa çip, printeri ‘ankohet’ dhe madje mund të refuzojë të punojë.

Mungesa e shfrenuar globalisht e çipeve po çon tani në një situatë kurioze. Për shkak se Canon nuk mund të marrë çipa të mjaftueshëm për tonerët e tij për shkak të mungesës së gjysmëpërçuesve, kompania duhet të prodhojë materiale harxhuese pa këtë “mbrojtje nga kopjimi”. Natyrisht, kjo do të thotë që pjesët origjinale njihen nga pajisjet si falsifikime të mundshme ose si boshe.

Kriza e çipave do të vazhdojë

Mungesa e çipave paraqet sfida të mëdha për shumë kompani. Prandaj, konsolat e lojërave Xbox Series X dhe PlayStation 5, të cilat u shfaqën më shumë se një vit më parë, janë ende në mungesë. Përveç sektorit elektrik, industria e automobilave po lufton edhe me zinxhirin e furnizimit.

Ekspertët nuk presin që situata të përmirësohet në afat të shkurtër. Mungesa mund të vazhdojë edhe gjatë këtij viti ose edhe deri në vitin 2023. /Telegrafi/