“Mundem ekipin më të mirë në Evropë”, Tuchel ndihet shumë krenar pasi Chelsea arriti në finalen e Kupës FA

Thomas Tuchel ka thënë se ishte “shumë krenar” për ekipin e tij të Chelseat pasi ata eliminuan “ekipin më të mirë në Evropë” Manchester Cityn për të arritur në finalen e Kupës FA në stadiumin Wembley të shtunën në mbrëmje.

Chelsea arriti ta mposht City me rezultat minimal 1-0 në gjymsëfinale të Kupës FA, për të siguruar kalimin në finalen e madhe.

Fitorja erdhi falë një goli të Hakim Ziyech, por pas ndeshjes trajneri Tuchel lavdëroi paraqitjen e gjithë skuadrës duke shtuar se ndihet shumë krenar.

Lexo po ashtu Chelsea triumfon ndaj Man Cityt dhe kalon në finale të Kupës FA

“Ishte një paraqitje shumë e fortë, dhe unë jam shumë i lumtur dhe krenar. Ishte një paraqitje shumë e fortë dhe jam shumë krenar për ekipin tim”, ka thënë fillimisht Tuchel për BBC Sport.

“Ne nuk ishim me fat që shpëtuam me portën e paprekur, kemi punuar shumë për të”.

“Djemtë janë të gatshëm të mbulojnë njëri-tjetrin nëse dikush humbet një duel. Ne donim të ishim trima sot”.

Lexo po ashtu Chelsea 1-0 Man City, notat e lojtarëve në gjysmëfinalen e Kupës FA

“Është ndjenjë fantastike sepse po luanim me ekipin më të mirë në Evropë tani dhe kemi arritur ta mbyllim hendekun për 90 minuta”.

“Për shkak se është shumë e vështirë kundër Cityt, duhet të jesh në nivelin tënd të lartë. Ishte një performancë cilësore”, përfundoi gjermani. /Telegrafi/