A mund të ringjallen njerëzit e vdekur përmes “ngrirjes”? Dikur ishte tentuar të bëhej një gjë e tillë! (Foto/Video)

Janë rishfaqur disa pamje gati të pabesueshme në të cilat thuhet se tregohet procesi shumë i diskutueshëm prapa praktikës së çuditshme të “ruajtjes së trupit në temperaturë të ftohtë”.

Sipas mediave të huaja, përcjell Telegrafi, videoja, e cila është realizuar gjatë viteve 1960 nga Shoqata Cryonic, tregon një studiues që përfshin pajisje që do të përdoren gjatë procesit.

Shoqëria Cryonic, e cila duket se nuk ekziston më, ishte një organizatë e bazuar në Phoenix, Arizona, SHBA, e përqendruar në qëllimin e ruajtjes së trupave njerëzorë me shpresën se një ditë për t’i sjellë ata në jetë.

Në video, një modele përdoret për të demonstruar procesin shqetësues, pasi ajo është ulur në cilindër para se të mbështillet në fletë metalike prej kallaji.

“Mundësia e jetës pas vdekjes është eksploruar në Phoenix, Arizona nga Shoqata Cryonic”, shpjegon narratori.

“Ata besojnë se cryobiologjia, ngrirja e lëndës biologjike është përgjigja. Ata propozojnë ngrirjen e organeve në kapsulat e magazinimit të ftohtë, me çka shkencëtarët janë kryesisht skeptikë”.

“Një lëng ngrirës zëvendëson furnizimin me gjak dhe subjekti është i mbështjellë me fletë metalike prej alumini dhe vendoset në një kapsulë në 220 gradë nën zero”.

Sipas mediave, koncepti i Cryonics u prezantua për herë të parë në vitin 1962 nga Robert Ettinger, i cili e përshkroi teorinë në librin e tij “Perspektiva e Pavdekësisë”.

“Cryonics përfshin ftohjen e një personi të vdekur kohët e fundit në temperaturat e azotit të lëngshëm në mënyrë që të mbajë trupin të ruajtur një kohë të pacaktuar”, kishte shkruar ai.

Ndërkohë, siç thuhet më tej, kjo mbetet një praktikë e diskutueshme në shoqërinë e sotme, me shumë ekspertë që hedhin dyshime nëse do të jetë ndonjëherë e mundur për të ringjallur një njeri.

Gjithsesi, siç shkruajnë mediat e huaja, aktualisht janë rreth 250 trupa “të ngrirë” në SHBA – por më shumë se 1,500 njerëz kanë nënshkruar që të kenë trupat e tyre të ngrirë, pas vdekjes. /Telegrafi/