Mund të merrni sëmundje nga mjekra e partnerit tuaj?

Mustaqet dhe mjekra janë një nga stilet më në modë, por mund të jetë e rrezikshme për shëndetin.

Nuk duam t’ju trembim, por mjekra e tyre përmban sekrete johigjienikë. Megjithëse rreziku ndonjëherë mund të jetë i vogël, mjekra e meshkujve përmban papastërti që mund të shkaktojnë herpes apo edhe infeksione nga më të rrezikshmet.

Debra Jaliman, një dermatologe nga New York City thotë se kjo ndodh për shkak të djersës që akumulohet në qime, për shkak të lëngjeve trupore ose të ushqimeve që shërbehen jashtë.

Një problem tjetër sipas Jaliman është se qimet e trasha të lëkurës mund të fshehin sëmundje ngjitëse të lëkurës, gjë që nuk lidhet drejtpërdrejtë me të pasurit mjekër ose mustaqe siç janë herpesi ose skuqja e fytyrës. Nëse ai nuk i vë re këto shenja, këto probleme të lëkurës mund të transmetohen tek ju.

Një tjetër problem që mund të lindi nga mjekra e këtyre djemve sipas dermatologut nga New York City, Diane Berson mund të jenë disa probleme bakteriale që quhen impetigo që krijon disa plagë të kuqe në fytyrë të cilat mund të transmetohen tek partneri juaj.

Nuk është e nevojshme që të detyroni të dashurin tuaj të heqë mjekrën, mjafton vetëm të tregoheni pak të zgjuar për të shmangur infeksionet.

Në radhë të parë inkurajoheni atë që të kujdeset për mjekrën duke e larë me sapun të paktën një herë në ditë dhe të siguroheni herë pas here për pastërtinë e saj pas ngrënies.

Gjithashtu përpara një kontakti direkt me partneren (jo vetëm puthje, por edhe kontakti seksual) meshkujt duhet të sigurohen që nuk janë probleme me lëkurën, acarime, skuqje etj.

“Meshkujt nuk janë mësuar të kujdesen për flokët e tyre si femrat dhe përgjithësisht nuk janë mësuar të pastrojnë mirë,” tha Jaliman. Duket pak e ashpër, por është e vërtetë dhe për të pasur një lëkurë pa infeksione, duhet të jeni të vëmendshme. /Telegrafi/