Moyes: Mos transferimi i Kroosit te Unitedi është pengu më i madh i imi

Ish-trajneri i Manchester Unitedit, David Moyes ka thënë se mos nënshkrimi me mesfushorin gjerman, Toni Kroos është pengu më i madh i tij.

Moyes ishte shumë ambicioz me lojtarët që ai dëshironte të nënshkruante në verën e tij të parë dhe të dytë në klubin nga Old Trafford.

Fatkeqësisht, klubi nuk ishte në gjendje të sigurojë shumë nga objektivat e tij në verën e parë, dhe ai u shkarkua para afatit të dytë të verës.

Lexo po ashtu Real Madridi ka paguar vetëm 100 milionë euro për mesfushën më të mirë në botë

Njeriu që e pasoi atë, Louis Van Gaal, vendosi të mos e pranoj marrëveshjen e Kroosit që kishte vendosur Moyes dhe gjermani nuk u transferua te Unitedi.

I pyetur nga beIN SPORTS për të zgjedhur keqardhjen e tij më të madhe për transferimin, menaxheri aktual i West Hamit ishte i qartë.

“Me siguri se është Toni Kroos”, ka thënë fillimisht Moyes për beIN SPORTS.

“Në atë kohë ne ishim edhe pas Gareth Bale dhe Cesc Fabregas. Por, unë kam thënë para kësaj, në Everton, kemi qenë me të vërtetë afër shumë lojtarëve të mirë”.

“Ne thjesht nuk mund t’i arrinim ata disa herë”, përfundoi trajneri skocez. /Telegrafi/