Mourinhos nuk i pëlqen të flasë për individ te Roma – pyetet edhe rreth të ardhmes së tij

Jose Mourinho pranon se Roma u ndje e frustruar ndaj Sampdorias derisa kartoni i kuq hapi dyert dhe është i kënaqur që Gini Ëijnaldum më në fund mund të kontribuojë në ekip.

Giallorossët kishin luftuar për të thyer mbrojtjen kundërshtare, derisa Jeison Murillo mori kartonin e dytë të verdhë në minutën e 52-të.

Wijnaldum shënoi golin e parë të ndeshjes me goditjen e tij me kokë në tokë, më pas fitoi një penallti të konvertuar nga Paulo Dybala para golit të Stephan El Shaaraëyt në minutat shtesë për rezultatin final 3-0.

“Në pjesën e parë ne u ndjemë të frustruar që nuk shënuam, duke pasur parasysh se krijuam kaq shumë raste, dhe pas kartonit të kuq padyshim që e bëri më të vështirë për Sampdorian”, deklaroi Mourinho për DAZN.

Wijnaldum mbërriti si huazim nga Paris Saint-Germain në gusht, por mezi luajti pas një frakture të rëndë dhe më në fund mund të bëjë diferencën.

“Nuk më pëlqen të flas për individë, por jam i kënaqur me përparimin e tij dhe ai luajti shumë mirë sot. Diego Llorente gjithashtu bëri mirë dhe kjo është një paraqitje që me të vërtetë godet një trajner”.

🐺🐺🐺🐺🐺 pic.twitter.com/9lpcdhatpW

— AS Roma (@OfficialASRoma) April 2, 2023

“Llorente është mbrojtësi që dëshiron më shumë topin dhe luan nga prapa në një mënyrë të qetë”.

Ky rezultat e vendos Romën në vendin e tretë së bashku me klubin e vjetër të Mourinhos, Interin.

Duke marrë parasysh se pjesa më e madhe e mbrojtjes ishte e pezulluar, Special One u kthye në një formacion 4-2-3-1 për herë të parë në një vit.

Gini! 💪

🖍️ @LaScorza pic.twitter.com/3Ln6GdCe1w

— AS Roma (@OfficialASRoma) April 2, 2023

“Kjo varet nga kundërshtarët dhe lojtarët që kam në dispozicion. Unë gjithmonë përpiqem të përdor lojtarët më të mirë për atë situatë”, ka shtuar më tej Mourinho

Së fundi, Mourinho u pyet për të ardhmen e tij në stolin e Romës dhe u përpoq të anashkalonte pyetjen.

“Po flasim për fundin, ndeshjen tjetër? Do të flasim gjatë ditëve në vijim”, potencoi më tej portugezi. /Telegrafi/