Mourinho thyen heshtjen dhe tregon se në cilin kampionat do të shkoj pas largimit nga Roma

Jose Mourinho është futur në vitin e tij të tretë si trajner i skuadrës italiane Roma.

Megjithatë largimi i tij në Olimpico në fund të sezonit duket i pashmangshëm pasi kontrata e portugezit skadon me Giallorosët dhe nuk pritet të rinovohet.

Trajneri portugez e ka pranuar se një ditë do të punoj në Arabinë Saudite dhe për këtë është i bindur.

Lexo po ashtu Zbulohet klubi që i bëri Mourinhos “ofertën më të çmendur në historinë e futbollit” – ai e refuzoi për të qëndruar te Roma

“Unë jam aktualisht pjesë e Romës dhe deri në ditën e fundit të kontratës do të jem i përqendruar te Roma. Më tej nuk i dihet, askush nuk mund të flasë me siguri për të ardhmen, por bindja ime është se do të punoj në Arabinë Saudite”, tha Mourinho.

Special One ka thënë se transferimi i Cristiano Ronaldos te Al Nassr ka ndryshuar krejtësisht realitetin e Arabisë Saudite.

Nuk e di se kur, por jam i bindur se një ditë kjo do të bëhet realitet. Mendoj se transferimi i Cristiano Ronaldos e ndryshoi tërësisht realitetin e Arabisë Saudite, tani shumë lojtarë po transferohen në Lindjen e Mesme”.

Lexo po ashtu Drejtori i Romës zbulon prapaskenat se si Jose Mourinho e bindi Lukakun të transferohet në Olimpico

“Bëhet fjalë për futbollistë që nuk janë në fundin e karrierës, por në vitet e tyre më të rëndësishme. Tani Arabia e ka seriozisht”, u shpreh Mourinho.

Portugezi edhe këtë edicion kishte oferta nga Arabia Saudite, por vendosi t’i refuzonte për t’i qëndruar besnik Romës. /Telegrafi/