Mourinho kritikon lojtarët e tij për mungesë ambicie: Patëm 89 minuta për të shënuar gola të tjerë ndaj Wolves

Jose Mourinho i ka kritikuar lojtarët e Tottenham Hotspur për mungesë të ambicies pas barazimit (1-1) kundër Wolverhampton Wanderers.

Spursat e humbën rastin të ngriteshin në pozitën e tretë në tabelë duke pranuar një gol të vonshëm në ndeshjen e zhvilluar në Molineux.

Tanguy Ndombele e kishte kaluar Tottenhamin në epërsi që në minutën e parë, por Romain Saiss i barazoi shifrat në minutën e 86-të.

"We didn't have the ambition or desire to go for more."

Jose Mourinho reacts to #THFC's draw against Wolves, where his side didn't register a shot on target after the 21st minute…👀 pic.twitter.com/z84NtxOKqW

— Sky Sports Premier League (@SkySportsPL) December 27, 2020

Kjo ishte ndeshja e katërt pa fitore për ekipin e portugezit që mban vendin e pestë në tabelë dhe nuk e shfrytëzoi barazimin e Liverpoolit për ta ngushtuar diferencën e pikëve.

“Jam i frustruar me rezultatin, e kishim kontrollin e ndeshjes, kishim 89 minuta kohë për të shënuar gola të tjera dhe nuk ia dolëm”.

“Nuk ka të bëjë vetëm me shënimin e golave, por edhe me të qenit i rrezikshëm dhe ambicioz, ndërsa për mua kjo paraqet problem”, ka deklaruar Mourinho në konferencën për shtyp pas ndeshjes. /Telegrafi/