Motrat e vrasin rojën e dyqanit duke e goditur 27 herë me thikë në trup, ai u kishte kërkuar të vendosin maskën

Dy motra po akuzohen për vrasje të shkallës së parë në Illinois nën dyshimin se kanë goditur me thikë një roje të sigurisë në dyqan pasi iu kërkua të mbanin maskë dhe të përdornin mjete pastruese për duar.

Motrat hynë në një dyqan me pakicë dhe filluan një grindje verbale me viktimën, një 32-vjeçar i cili po punonte si roje sigurie, tha Policia e Chicagos, raporton CNN.

Zyra e Avokatit të Shtetit Cook County tha që burri u kishte thënë motrave se duhej të vendosin një maskë dhe të përdornin mjete për pastrimin e duarve, transmeton Telegrafi.

Argumenti i tyre u bë fizik kur Jessica Hill, 21, nxori një thikë dhe e goditi atë 27 herë në shpinë, qafë dhe krahë, sipas kallëzimit penal.

Motra e saj, 18-vjeçarja Jayla Hill, e mbajti viktimën për flokë ndërsa ndodhi sulmi. Të dy gratë u dërguan në spital menjëherë pas incidentit për plagë të lehta dhe u akuzuan për vrasje të shkallës së parë, sipas policisë.

Ndryshe, seanca e tyre e ardhshme gjyqësore është caktuar për 4 nëntor, sipas të dhënave të burgut. /Telegrafi/