Raportohet se shtatë persona janë evakuuar sot nga ndërtesa e Ministrisë së mbrojtjes së Rusisë në pjesën qendrore të Moskës, pasi ajo është përfshirë nga zjarri.
Nuk ka pasur raporte të menjëhershme për lëndime nga zjarri në katin e tretë të ndërtesës pesëkatëshe në rrugën Znamenka në Moskë.
Nëpërmjet një kumtese, Ministria e mbrojtjes tha se zjarri i ka përfshirë afro 50 metra katrorë brenda “dhomës teknike” të ndërtesës administrative, e cila po meremetohej.
Mëtutje në kumtesë, theksohet se autoritetet po zhvillojnë hetime lidhur me dyshimet se zjarri është shkaktuar nga një përçues elektrik në ndërtesë, por ata ende nuk e kanë përcaktuar shkakun e shpërthimit të zjarrit.
Disa ekipe të zjarrfikësve ishin angazhuar pak pas mesditës për ta vënë zjarrin nën kontroll.
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251