Dilema shqiptare: socialistë apo demokratë? Milionerët socialistë apo ata demokratë? E ç’të keqe kanë milionerët, do të thoni, pasi te ne edhe gazetarët janë milionerë? Pastaj, kinezët janë edhe komunistë edhe miliarderë. U dorëzova. Kinezët edhe mishin e prodhojnë nga letra, mërmërita nëpër dhëmbë.
Po ne çfarë prodhojmë? Ne prodhojmë … kriza. Sapo kryhen zgjedhjet dhe shpallen fituesit, ne, populli, dyshojmë për hajni votash dhe të shtriqur pranë ekraneve të sheshtë presim të fillojnë zgjedhjet e ardhshme. Siç e dini, ka hajna votash, ka edhe grabitës. Dikush e do me shumë adrenalinën, e dikush e bën detektivin.
Kur, humbësit ftojnë për protesta, protestuesit profesionistë fërkojnë duart. Pra, ofertat e socialistëve për një të ardhme evropiane apo Ballkan të Hapur na sollën këtu, te protestat. Ato janë oferta e pozitës për të ardhmen. E ardhmja nuk vjen, sepse nuk gjen shqiptarë të punojnë për të ardhmen. Duan punëdhënës që numëron lekët në dorë.
Këtë marrëdhënie të shqiptarëve me të ardhmen e kupton fort mirë opozita, prandaj gjithnjë ofron një version të së kaluarës. As premtime nuk ka nevojë të japë, opozita. Përse të premtojë dhe kujt? Popullit? Ç’faj ka populli në këtë mes? E thërrasin për protestë, populli del. E thërrasin në zgjedhje, populli sërish del.
Populli është për zgjedhje, apo protesta, çfarëdo që të jetë, vetëm punë le të jetë. Populli gjithçka e bën masive, qoftë kur fundos anijet duke lëshuar vendin, qoftë duke u kthyer. Populli del në mënyrë masive nëpër festa dhe nëpër protesta. A nuk mbushet Sheshi “Skënderbej” për çdo festë Bajrami? A nuk e hutojmë kështu, Evropën? Kush e ka fituar këtë luftë shekullore, pyetet Evropa: Perandoria apo Gjergji?
Tash Sheshi ose Parlamenti, njësoj i bie, sepse në këtë mungesë pune, që të dyja ofrojnë punë me mëditje, për popullin. Të rrëzosh qeverinë me votë apo me protesta është punë që do lekë. Kush i ka lekët? As populli nuk punon pa lekë, as Evropa nuk e financon të ardhmen evropiane … pra ndiq rrugën e parasë, thonë të urtit dhe … do të kuptosh gjeopolitikën.
Nuk them, vetëm pyes: më duhet kjo ofertë? Pozita, kuptohet se do të thotë “s’ka çfarë të duhet ty”, ja ku i ke rrugët, tunelet, kopshtet, ja edhe … marihuana! Kjo Marihuana është goca e kohës tonë. Dikur fëmijët quheshin Marengel, Stalin apo Mao, tash ne i quajmë Marihuana. Vdiç Mao, humbën nga arti edhe Maocedunët e vegjël. Kur të legalizohet marihuana (se kështu janë premtimet), askush më nuk do t’i quaj ashtu fëmijët e vet. Atëherë do të kemi ideale të tjera dhe emra të tjerë, si Heroina apo Koka, për shembull!
Ndërkohë, opozita e germëzon pafundësisht sloganin: “Mos thuaj …”. As krijuesi nuk e ka të lehtë të na ndihmojë me këtë dilemë, sepse e ka të vështirë të orientohet në tërësinë e lutjeve dhe sidomos politizimin e “lutjeve”.
Në fund të fundit, ndoshta vetëm faktet do të duhej të na japin një përgjigje, nëse ia vlen të protestohet. Të gjithë, përfshirë edhe BE-në, pajtohen se e ardhmja nuk duhet të jetë siç ishte dikur, por as kështu si është. Negociatat do të hapen vetëm kur … Kur do të hapen negociatat?
Pra o burra (o gra), mblidhuni në protesta të rrëzohet piktori, sepse profesori është fryma e re, fryma evropiane e Shqipërisë. Dikush edhe mund të hezitojë, të bëjë vërejtje se si do ta shpalosë ai këtë frymë përpara Evropës “plakë” e të “shurdhër”?
“Ah, moj Evropë, moj … ”! Profesori me lahutë në dorë do të këndojë para Evropës dhe ShBA-së për “Shqipërinë e Re”. Do ta këndojë, pasi ata nuk duan të flasin me profesorin. Është nëpër lista. Edi nuk është nëpër lista, edhe pse ka bërë krime … estetike. I bën me shije edhe krimet, do të thotë ERTV. Kollare me atlete. Është rebeluar me veshje dhe me Ballkanin e Hapur, Edi. Më shumë ka frikë veten se Evropën.
Jo, nuk them dot “ç’më duhet mua”! Në raport me shqiptarët, Evropa nuk duket se ka zemër, ndërkohë që protestat ofrojnë një kardiolog. Po piktori, i mbush me ngjyra sytë e Evropës? Do të vizatojë një ylber për Evropën, piktori? Do të lyejë fasadat e Evropës?
Kush bënë punë, për të hapur negociatat? Protestat? Një Potemkin, ndoshta?
Nuk ju duket “Deja Vu”?!
Lufta Prigozhin - Putin
Më shumëKatër votat kundër Kosovës në Këshillin e Evropës dhe një abstenim, gjithçka që duhet të dini
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët
Momenti kur roja i sigurisë së Dua Lipës e ndalon fansen që të fotografohet me të - ia gjuan telefonin në tokë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Detaje të reja nga krimi që la të vdekur dy persona në Prishtinë – policia njofton se është arrestuar një i dyshuar që po trajtohej në QKUK
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes