Momenti kur një veturë në Argjentinë “fluturon”, pasi përplaset për barrierat – derisa po ecte me shpejtësi 170 km/h (Video)

Një përplasje e tmerrshme është kapur nga disa kamera mbikëqyrëse në një autostradë të Buenos Aires-it në Argjentinë.

Mediat raportojnë se një 19-vjeçar ka humbur kontrollin e makinës së njerkut të tij, një mjet tip “Volkswagen” teksa ecte në një mbikalim të autostradës me 170km/h.

Videoja dramatike tregon një makinë të bardhë e cila shkatërron barrierat mbrojtëse, fluturon në ajër dhe bie në tokë në rrugën e motorëve “General Paz”.

Gjithçka ndodhi në orët e para të premten në mëngjes, përcjell Shqiptarja.

Në video shihet mjaft qartë se si automjetet e tjera që po qarkullojnë në rrugë, frenojnë direkt për të shmangur grumbullimin e shumë makinave.

Adoleshenti Patricio Avila i cili po drejtonte automjetin ‘ Volkswagen Voyage’, mbijetoi me disa lëndime serioze.

Njëra nga dëshmitaret Veronica, është shprehur e habitur se si ka mundësi që dikush të shpëtojë gjallë pas një aksidenti të tillë.

Gruaja u shpreh për gazetën “Clarin se Avila”, se adoleshenti ishte mbuluar me gjak dhe kishte gjysmën e trupit të tij brenda veturës dhe gjysmën jashtë.