Rebelët Houthi të Jemenit kanë publikuar një video rrëqethëse, për të cilën pretendojnë se shfaqet momenti kur aeroplani luftarak i Arabisë Saudite hidhet në erë nga një raketë e tyre.
Pjesëtarët e Houthi që përkrahin Iranin, kanë njoftuar se kanë rrëzuar një aeroplan luftarak të tipit F-15 derisa po fluturonte mbi provincën Saada në Jemen, transmeton Telegrafi.
Por, autoritetet e Arabisë Saudite pretendojnë se aeroplani është rrëzuar për shkak të një problemi teknik që kishte ndodhur, derisa po kryente sulme ajrore kundër rebelëve.
Ndërkaq, thuhet se piloti është katapultuar para se aeroplani të rrëzohej në tokë, por që është shpëtuar nga koalicioni i udhëhequr nga sauditët që luftojnë lëvizjen e Houthi.
Që të dy palët kanë filluar një luftë të përgjakshme nga e cila kanë humbur jetën më shumë se 10 mijë civilë në Jemen. /Telegrafi/
