Modelja Natacha Rodriguez vazhdon të thotë se ka pasur aferë me Ronaldon dhe paralajmëron Georginan

Modelja portugeze, Natacha Rodriguez, pohon se ka kaluar një natë me yllin e Manchester Unitedit, Cristiano Ronaldon.

Rodriguez thotë se pas dy muajsh shkëmbimi të mesazheve, dyshja kanë kaluar natën së bashku, jo shumë kohë pasi Ronaldo ishte njoftuar me partneren e tij aktuale, Georgina Rodriguez, shkruan Marca.

“Ishte ora 1:00 e mëngjesit dhe unë i dërgova atij një fotografi të barkut tim me fjalët ‘puthje të madhe’ si një shaka”, deklaroi Rodriguez për The Sun.

“Kurrë nuk  e kisha menduar se ai do të ma kthente. Por, në 06:00 të mëngjesit ai më dërgoi mesazh dhe gjërat vazhduan nga këtu. Kur e shikoi tani, do të doja mos të kishin vazhduar”, tha tutje modelja.

Lexo po ashtu Modelja pohon se ka kryer marrëdhënie me Ronaldon gjatë kohës sa e dashura e tij ishte shtatzënë

E gjitha filloi në vitin 2015 kur Ronaldo ishte akoma në lidhje me modelen Irina Shayk, “nuk po mund të besoja që isha në banesën e Cristiano Ronaldos”, tha tutje ajo.

Sipas Rodriguez, Ronaldo i dërgoi përsëri mesazhe pasi ata kishin fjetur së bashku në mars të vitit 2017.

“Më pëlqeu. Do të shihemi përsëri një ditë. Shumë sekret, të lutem. Puthje”, ishte mesazhi që Ronaldo i shkroi asaj.

Ronaldo pastaj vazhdoi të ndërpresë kontaktet, duke e bllokuar atë në të gjitha platformat dhe ajo beson se ai mund të bëjë të njëjtën gjë me partneren e tij aktuale.

“Cristiano më hodhi tutje mua dhe ai mund ta bëjë të njëjtën gjë me Georgina”, tha modelja.

Por, pavarësisht kësaj, Rodriguez thotë se i dëshiron më të mirën futbollistit dhe partneres së tij.

“Ata duken si një çift perfekt dhe pavarësisht të gjithave, Cristiano mund të ketë ndryshuar si person dhe partner. Familja e tij është rritur dhe ai po ashtu”, përfundoi Rodriguez. /Telegrafi/