Miu në kopshtin zoologjik të San Diegos besohet të jetë më i moshuari në botë në moshën 9-vjeçare

Zyrtarët e kopshtit zoologjik të San Diegos thanë se ata po e kërkojnë njohjen e rekordeve botërore të Guinness për një mi xhepi të Paqësorit që besohet të jetë më i moshuari në botë në moshën 9-vjeçare.

Aleanca e kafshëve të egra të kopshtit zoologjik të San Diegos, e cila drejton kopshtin zoologjik, tha se një mi xhepi i Paqësorit i quajtur Pat – për nder të aktorit Patrick Stewart – besohet të jetë miu më i vjetër i gjallë në botë në moshën 9 vjeç e 5 muaj.

Pat ka lindur në kopshtin zoologjik më 12 korrik 2013 dhe aleanca e kafshëve të egra tha se do të zhvillojë një ngjarje të veçantë më 8 shkurt për të festuar jetëgjatësinë e miut dhe përpjekjen për të siguruar titullin e rekordeve botërore Guinness si miu më i vjetër i gjallë në kujdesin e njeriut, raporton UPI, përcjell Telegrafi.

Një gjyqtar i Guiness World Records është planifikuar të marrë pjesë në ngjarje për të verifikuar moshën e Pat.

Miu i xhepit të Paqësorit është lloji më i vogël i miut në Amerikën e Veriut dhe kopshti zoologjik krijoi një program mbarështimi dhe rifutjeje për speciet në vitin 2012 për të ndihmuar në kompensimin e rënies së popullsisë.

Miu më i vjetër i cili është njohur ndonjëherë nga rekordet botërore Guiness ishte quajtur Fritzy dhe kishte vdekur në vitin 1985 në moshën 7 vjeç e 7 muaj. /Telegrafi/