Miriami flet për këngën e Albanit që i kushtohet nënës së saj të ndjerë: Nuk e kam gjetur kurrë forcën t’i këndoj këto vargje

Gjatë ditës së diel, Alban Skënderaj e publikoi këngën e re me titull “Plagë në gjysmëshpirt”, ndërsa përmes një njoftimi në rrjetet sociale kishte treguar se këtë baladë e kishte shkruar për Miriam Canin dhe se i kushtohej nënës së saj të ndjerë.

“E kam shkruar saktësisht para 10 vitesh, edhe pse ka qenë gjithmonë më shumë e Miriamit sesa e imja si kënge. E kam shkruar menjëherë mbasi nëna e saj e dashur u largua papritur dhe tepër e re nga kjo botë”.

“Unë hodha në vargje e muzikë dhimbjen e Miriamit, edhe pse përjetimi ishte i fortë edhe për mua… Miriami nuk ka mundur dot asnjëherë ta këndojë për shkak të emocioneve”, kishte shkruar mes tjerash Albani në Instagram.

Lexo po ashtu Alban Skënderaj publikon baladën "Plagë në gjysmëshpirt"

Ndërsa në një postim në Twitter, këngëtarja ka pranuar se nuk ka mundur ta këndojë këtë këngë, edhe pse ka kaluar një dekadë prej se nëna e saj ka ndërruar jetë.

“Nuk e kam gjetur kurrë forcën në këto 10 vite t’i këndoj këto vargje që ti shkëpute nga shpirti im”.

“E kam shumë të vështirë të shkruaj apo të flas për të pa me rrahur zemra çmendurisht fort. Koha shëron çdo plagë thonë…por unë di…”, ka shkruar Miriami. /Telegrafi/

Nuk e kam gjetur kurr forcen ne keto 10 vite ti kendoj keto vargje qe ti shkepute nga shpirti im.
E kam shume te veshtire te shkruaj apo te flas per te pa me rrahur zemra cmendurisht fort.
Koha sheron cdo plage thone…por une di… https://t.co/EPGzWB3km8

— Miriam Cani (@MiriamMCani) March 17, 2019

https://www.instagram.com/p/BvH7mf2BNL0/