“Mirë se erdhe në Miami”, Beckham ngacmon Messin dhe Suarezin pasi u fotografua me Neymarin në Miami

Pronari i Inter Miamit, David Beckham ka ngacmuar një ribashkim të jashtëzakonshëm të Lionel Messit, Luis Suarez dhe Neymar te klubi nga Major League Soccer.

Messi nënshkroi për Inter Miami pas skadimit të kontratës së tij me PSG verën e kaluar, duke u bërë nënshkrimi më i madh në historinë e MLS.

Suarez më pas iu bashkua atij në Shtetet e Bashkuara në janar pasi u largua nga gjiganti brazilian Gremio dhe tha se do të përfundonte karrierën e tij në klubin amerikan.

Në Inter Miami janë edhe ish-yjet e Barcelonës, Sergio Busquets dhe Jordi Alba.

Lexo po ashtu Vlera mbi 1 miliard: Si arriti Beckham një nga marrëveshjet më të mëdha sportive ndonjëherë

Neymar, ndërkohë, gjithashtu u largua nga Evropa verën e kaluar, por zgjodhi t’i bashkohej skuadrës saudite, Al Hilal, në vend që të transferohej në Shtetet e Bashkuara.

Por golashënuesi më i mirë i të gjitha kohërave i Brazilit pësoi një dëmtim të ligamentit të kryqëzuar anterior (ACL) gjatë një ndeshjeje kualifikuese për Kupën e Botës kundër Uruguait në tetor, duke e përjashtuar atë për pjesën e mbetur të sezonit.

32-vjeçari është një nga lojtarët më të paguar në botë falë kontratës së tij me Al Hilal dhe do të shpresojë të bëjë një rikthim të suksesshëm përpara sezonit 2024/25.

Ndërkohë në faqen e tij zyrtare në Facebook, pronari i Inter Miami, Beckham, ka postuar një foto të tij, bashkëshortes Victoria dhe Neymar duke shijuar darkën në Miami.

“Mirë se erdhe në Miami miku im (vetëm për darkë)”, ka shkruar Beckham me shaka në postimin e tij.

Ndërsa postimi i Beckham ishte qartazi me shaka, është brenda mundësive që Neymar të përfundojë si lojtar i Inter Miami në një të ardhme jo shumë të largët.

Kontrata e tij me Al Hilal zgjat vetëm dy vjet, me opsionin e një të treti – që do të thotë se ai mund të lëvizë diku tjetër si lojtar i lirë që në vitin 2025. /Telegrafi/