Mimoza Kusari pjesë e listës së kandidatëve për deputetë të Vetëvendosjes

Kryetarja e Alternativës Mimoza Kusari Lila i është bashkuar listës zgjedhore të Lëvizjes Vetëvendosje.

Arbëri Nagavci e ka konfirmuar se Mimoza Kusari-Lila do të jetë pjesë e listës së Vetëvendosjes në garën për deputete.

“Besoj se Mimoza do të jetë brenda listës tonë”, ka thënë ajo në emisioni Pressing të T7.

Ndërkaq, Kryesia e Degës së Alternativës në Prishtinë sot ka sqaruar se në Kryesinë e saj ka patur trembëdhjetë anëtarë, ndërkohë dhjetë prej tyre kanë paraqitur dorëheqjen.

Dega e Alternativës në Prishtinë ka njoftuar se ka ndërprerë zyrtarisht çdo bashkëpunim me partinë Alternativa për shkak të siç thonë ata, veprimeve autoritare të kryetares së kësaj partie Mimoza Kusari –Lila.

“Alternativa, e cila, ndonëse do të duhej të ishte sinonim i promovimit të frymës së liberal-demokracisë, falë veprimeve pas shpine, e shpeshherë edhe autoritare të kryetares Kusari-Lila dhe një grupi të ngushtë përreth saj, ndikoi në përçarjen e pariparueshme të partisë”, thuhet në njoftimin e degës së Alternativës në Prishtinë.

Ndër të dorëhequrit nga dega e Prishtinës dhe pozitat e tyre është edhe Kryetar i degës/Nënkryetar i Partisë dhe anëtar i Këshillit të Përgjithshëm, Ilir Deda./Telegrafi/