Milot Rashicës i anulohet goli nga penalltia në minutën e 100-të, bëri një veprim që rrallë shihet në futboll

Besiktas ka pësuar humbje në shtëpi nga Alanyaspor me rezultat 2-1, ku Milot Rashica ishte protagonist i një momenti të çuditshëm.

Fillimisht mysafirët kishin shënuar dy herë në pjesën e parë me Bunyamin Balci dhe Adam Buksa, ndërsa Besiktasi shënoi në fillimin e pjesës së dytë.

Ermenst Muçi shndërroi në gol një pasim bukur të Milot Rashicës, i cili shërbeu nga e djathta drejt qendrës, ku 22-vjeçari goditi saktë për 2-1.

Në minutën e 109-të, portieri i Besiktas, Mert Gunok, kishte dal nga porta për të kërkuar barazimin dhe goditja e tij me kokë, u ndal në dorën e njërit prej lojtarëve mysafir.

Lexo po ashtu Milot Rashica asiston, Ernest Muçi shënon – dyshja shqiptare e Besikasit në aksion

Gjyqtari akordoi penallti, ku Milot Rashica mori topin për ta goditur nga pika e bardhë.

Sulmuesi anësor arriti të shënojë, por gjatë goditjes ai kishte prekur topin me të dyja këmbët dhe për këtë u anulua goli.

https://twitter.com/SkySportsYedek/status/1769085423282774186

Një moment që rrallë shihet në ndeshjet e fundit. Besiktas mbeti pa pikë edhe nga ky takim dhe në tri ndeshjet e fundit ka tri humbje. /Telegrafi/