Derisa shumica e milionerëve shpenzojnë pasurinë e tyre në vetura të shtrenjta e jahte luksoze, William Sachiti shfrytëzoi pasurinë e tij në blerjen e një stacioni të radarëve të kohës së Luftës së Ftohtë në Norwich të Anglisë.
Sachiti një ndërmarrës nga Britania, bleu rrjetin e rrugëve private që shtrihen në një hapësirë prej 647 kilometra katrorë, për të testuar “pajisjet” që ndjekin UFO-t, por sistemi i radarëve iu dha si bonus, transmeton Telegrafi.
I pyetur se çfarë planifikon të bëjë me këto makineri gjigante që dikur alarmonte britanikët për raketat e mundshme bërthamore që mund të vinin, ai tha me një dozë shakaje: “UFO-t sigurisht”.
“Do të gjej mënyrën më të mirë për t’i rikthyer në jetë, dhe t’i lë njerëzit të zgjedhin mënyrën më të mirë për t’i përdorur. Nëse njerëzit duan t’i kërkojnë UFO-t, atëherë le të jetë ashtu”, shtoi Sachiti.
Ky sistem masiv gjendet në bazën ajrore mbretërore Neatishead, ku janë të stacionuara sistemet kundërajrore të Anglisë.
Në vitin 2010, kjo pronë ishte reklamuar dhe nxjerrë në shitje me një çmim prej 4.7 milionë dollarë – por Sachiti refuzoi të tregojë se sa ka paguar. /Telegrafi/
