Milani arrin marrëveshje me Thauvin, francezi pranon t’i bashkohet gjigantit italian

Milani thuhet se ka fituar garën për të nënshkruar me sulmuesin francez Florian Thauvin.

Sulmuesi francez është futur në vitin e fundit të kontratës me Olympique Marseille dhe nuk ka pranuar vazhdimin.

Ai i ka bërë të qartë drejtuesve të klubit se në fund të sezonit do të largohet si futbollist i lirë.

Tani lajmet e fundit që vijnë nga Italia dhe Franca raportojnë se Thauvin ka arritur marrëveshje personale me Milanin.

27-vjeçari ka pranuar propozimin e Rossonerëve për një kontratë katër vjeçare nga e cila do të fitojë tre milionë euro neto në sezon.

Milan ka fituar garën për lojtarin me skuadrat tjera si Roma, Atalanta, Lazio apo Borussia Dortmund që gjithashtu e donin atë.

Edhe pse marrëveshja e Milanit me lojtarin është që ai t’iu bashkohet në verën e vitit 2021 si futbollist i lirë, Marseille po insiston për shitjen e tij në janar.

Gjiganti francez synon që të fitojë së paku shtatë milionë euro nga shitja e lojtarit, pasi nuk duan ta humbasin me parametra zero në verën e vitit të ardhshëm. /Telegrafi/