Messi pritet të mos rikthehet i vetëm në Camp Nou – ylli i madh mund të jetë me të

Javët e fundit ka pasur shumë spekulime për të ardhmen e Lionel Messit, i cili do të largohet nga Paris Saint-Germain këtë verë, pas skadimit të kontratës së tij me kampionin francez.

Argjentinasi thuhet se është i hapur për një rikthim në Barcelonë, të cilët janë shumë të interesuar për të ri-nënshkruar ish-yllin e tyre.

Megjithatë, duket se 35-vjeçari nuk është i vetmi sulmues i PSG-së që dëshiron të kthehet në Katalini këtë verë.

Lexo po ashtu Një mysafir që pak kush e priste ishte në festimet e Barcelonës

Sipas Relevo, Neymar Junior do të donte të kthehej në Barcelonë, megjithëse për momentin, ai e kupton se është një ëndërr e pamundur për shkak të situatës së pasigurt financiare të klubit.

Braziliani ishte mysafir i skuadrës së Barcelonës për festimet e tyre për titull në La Liga në fundjavë, ndërsa vazhdon rikuperimin e tij nga një lëndimi në kyçin e këmbës.

Ka pasur disa raportime se PSG po kërkon të shesë Neymarin këtë verë. Megjithatë, ka shumë pak gjasa që një rikthim në Barcelonë të jetë në kartat, megjithëse nuk mund të përjashtohet për të ardhmen. /Telegrafi/