Messi lë të kuptohet se do të pensionohet nga Argjentina pas Kupës së Botës

Është e vështirë të pranohet, por karriera e Lionel Messit me Argjentinën po kalon vitin e saj të fundit, ai luajti me gjasë ndeshjen e tij të fundit zyrtare për kombëtaren brenda vendit të tij.

Stadiumi legjendar ‘Bombonera’ ishte i mbushur plot për t’i dhënë ndoshta mbështetjen e fundit yllit, i cili shënoi golin e fundit të mbrëmjes dhe i çoi shokët e tij drejt një fitoreje tjetër.

Ky Messi është shumë i ndryshëm nga ai që luan për PSG-në tani, ai me të vërtetë kënaqet duke përfaqësuar vendin e tij dhe ai ishte shumë i vetëdijshëm se kjo mund të ishte ndeshja e tij e fundit para tifozëve së tij.

🏆 #Eliminatorias

⚽ @Argentina 🇦🇷 1 (Nicolás González) 🆚 #Venezuela 🇻🇪 0

⏱ 10' ST pic.twitter.com/3fstaJNZK8

— 🇦🇷 Selección Argentina ⭐⭐⭐ (@Argentina) March 26, 2022

Stadiumi që brohoriti kaq shumë herë Diego Maradonën ishte gati për të pritur një nga lojtarët më të mirë argjentinas që ka jetuar ndonjëherë, i dyti pas ‘Pelusa’. La Pulga përfundoi ndeshjen dhe festoi me një turmë të pasionuar ‘Bombonera’ që ishte shumë emocionale.

“Mund të mendoj vetëm për atë që do të vijë më pas, mendoj vetëm për përballjen me Ekuadorin. Pas Kupës së Botës, do të më duhet të rimendoj shumë gjëra”, ka deklaruar Messi.

Leo mund të mos jetë i vetmi që luajti ndeshjen e fundit në ekipin argjentinas, Angel Di Maria është një tjetër nga veteranët që performoi dhe madje shënoi një gol.

Lexo po ashtu L’Equipe publikon listën e lojtarëve më të paguar në Ligue 1 – e gjitha përbehet prej anëtarëve të PSG-së

Lionel Scaloni ka arritur ta transformojë këtë ekip dhe ta kthejë në një nga më të fortët në Conmebol, ata janë gati të luajnë Botërorin e ardhshëm në Katar, por ne ende duhet të shohim nëse ata janë gati të shkojnë deri në fund.

Gjatë gjithë kualifikimeve, ata kanë qenë në ballë të futbollit të Amerikës së Jugut me Messin si liderin e tyre të madh. Scaloni arriti të ndihmojë të gjithë ekipin e ri të kuptojë se si të bashkëjetojë me yllin e PSG-së pa e bërë atë të ndihet i tjetërsuar.

Si rezultat, titulli i Copa America në vitin 2021 ishte një nga rezultatet e para të shkëlqyera që ata morën nga ky eksperiment.

🏆 #Eliminatorias #DatoAlbiceleste 🇦🇷

👣 Pases: 🇦🇷 718 vs. 252 🇻🇪
✅ Efectividad de pases: 🇦🇷 91% vs. 74% 🇻🇪
⚽ Posesión de balón: 🇦🇷 70% vs. 30% 🇻🇪 pic.twitter.com/UDODGqDbuj

— 🇦🇷 Selección Argentina ⭐⭐⭐ (@Argentina) March 26, 2022

Kjo është një aventurë e gjatë duke pasur parasysh se ka skuadra të tjera si Franca, Belgjika, Spanja, Brazili , Uruguai, Anglia dhe Gjermania tashmë të kualifikuara.

Është e vërtetë që Argjentina ka qenë një nga skuadrat më të qëndrueshme në dy vitet e fundit, por të luash kundër elitës do të jetë e vështirë për ta. Gjithçka varet nga sa i frymëzuar dhe i aftë për të luajtur Leo Messi do të jetë për atë turne.  /Telegrafi/