Endrit Krasniqi mund të largohet nga Prishtina vetëm pas një muaji qëndrim.
Njëri nga mesfushorët më të mirë në Kosovë në vitet e fundit me të përfunduar edicioni 2018/19 u prezantua te Prishtina.
Krasniqi ka nënshkruar kontratë dy vjeçare me klubin kryeqytetas, por kjo kontratë është vetëm përbrenda Kosovës.
Endrit Krashniqi (Foto: FC Prishtina/Facebook)
Gazeta SHESHI ka mësuar ekskluzivisht se mesfushori ofensivë ka marrë një ofertë të lartë financiare nga një skuadër e Iranit.
Bëhet fjalë për një shumë page vjetore prej 80,000 mijë euro që e ka bërë lojtarin të mendojë largimin nga Prishtina.
Endrit Krashniqi (Foto: FC Prishtina/Facebook)
Përpos pagës vjetore, Krasniqi tek skuadra iraniane do të ketë edhe bonuse të tjera.
Me të nënshkruar me Prishtinën, Endrit Krasniqi në kontratë ka një klauzolë që e lejon atë të largohet kur të dojë sapo t’i mbërrijë një ofertë jashtë shtetit tonë.
