Mesazhi i ashpër i McGregor për UFC-në, irlandezit i ka humbur durimi

Conor McGregor po përgatitet për një rikthim të madh në UFC, por ende nuk dihet se kur do të luftojë sërish ish-kampioni dhe një nga fytyrat më të spikatura të promovimit.

U përmend se ai mund të ketë një luftë rikthimi në fund të këtij viti, u përmend edhe prilli i ardhshëm, por ende nuk ka informacion të saktë. Dhe kjo është arsyeja pse McGregor është i zemëruar.

Luftëtari irlandez nuk ka luftuar që nga korriku 2021 kur theu këmbën në një luftë kundër Dustin Poirier. Dihej që rikuperimi do të ishte i gjatë, por prej disa kohësh ai ka përmirësuar formën e tij dhe po pret me padurim rikthimin në tetëkëndësh. Ai nuk mund të presë më, gjë të cilën e ka konfirmuar me një deklaratë të bërë në Riad.

Lexo po ashtu U pa në siklet disa herë nga afërsia e McGregor, vjen reagimi nga Ronaldo

“Njerëzit këtu në Arabinë Saudite po flasin për një ndeshje mes meje dhe Manny Pacquiao, dhe UFC nuk po flet fare. Më jepni diçka. A më kuptoni? Unë duhej të kthehesha në prill 2024, dhe në një kohë atje u fol edhe për dhjetorin e këtij viti”, deklaroi McGregor.

“Ata kurrë nuk kanë trajtuar askënd kështu. Dhe ata po e bëjnë këtë pavarësisht të gjitha numrave që kam sjellë në këtë lojë. Unë shes më shumë se të gjithë luftëtarët e tjerë së bashku. A është kështu?”.

“Askush në historinë e kësaj loja nuk është trajtuar sikur po trajtohem tani. Nëse e di se çfarë po ndodh, dera duhet të jetë e hapur për mua. Por, unë jam duke pritur, duke pritur dhe duke pritur. Po humbas durimin”, ka shtuar më tej ai. /Telegrafi/