Mesazh ofendues me dhjetë fjalë nga Tyson Fury për Francis Ngannoun

Tyson Fury mendon se Francis Ngannou duhet të ulet në gjunjë dhe t’i puthë këmbët për shkak se sipas tij e bëri atë një multimilioner.

Ish-kampioni i peshave të rënda të UFC-së kaloi në boks tetorin e kaluar dhe bëri debutimin e tij në ring kundër Gypsy King. Lufta nuk shkoi ashtu siç parashikuan shumë tifozë me kamerunasin që e rrëzoi britanikun dhe humbi vetëm me një pikë në një vendim të diskutueshëm. Ngannou po garon për herë të dytë si boksier në orët e para të së shtunës kundër rivalit të hidhur të Fury, Anthony Joshuas në Arabinë Saudite.

Ngannou fitoi rreth 10 milionë euro për luftën e tij me Furyn dhe pritet të marrë edhe më shumë për të luftuar Joshuan.

Lexo po ashtu Data, vendi dhe ora: Kjo javë është e rezervuar për super duelin mes Joshuas dhe Ngannou

“Kur po luftoja me Ngannou, ishte një mospërputhje dhe ishte një luftë demash, por është ajo që është, apo jo? Stilet bëjnë zënka dhe kjo është ajo që është”, deklaroi Fury për The Stomping Ground .

“Nuk jam i sigurt se çfarë prisnin njerëzit nga njeriu më parë. E di që duhej të ishte si një gjuajtje 1000 me 1 dhe ai ishte i padobishëm dhe nuk mund të luftonte dhe të gjitha këto, por ai u dëshmoi të gjithëve të kundërtën, kaq fantastik ishte. E futa në hartë, e bëra multimilioner dhe tani po i bëj edhe më shumë para”.

Lexo po ashtu Ngannou 'kërcënon' Joshuan para super duelit

“Ai duhet të më falënderojë. Duhet të ulet në gjunjë dhe të m’i puthë këmbët, apo jo, për atë që kam bërë për të”, ka shtuar më tej kampioni i WBC-së.

Ngannou fitoi vetëm 500,000 euro për mbrojtjen e tij të fundit të titullit botëror UFC përpara se të lironte rripin për t’u ndarë me kompeticionin janarin e kaluar. Fury refuzoi të bënte një parashikim për luftën e Ngannou me Joshuan dhe këmbënguli se nuk i intereson rezultati. /Telegrafi/