Merkel e pakënaqur për projektin e Trump për tërheqjen e SHBA-së nga Tregtia e lirë

Kancelarja gjermane, Angela Merkel shprehu sot keqardhje për projektin e njoftuar nga presidenti amerikan i zgjedhur, Donald Trump për të tërhequr SHBA-në nga traktati tregtar transpaqësor (TTP) sapo të marrë drejtimin e vendit.

“Nuk jam e kënaqur me faktin që traktati transpaqësor me shumë gjasa nuk do të realizohet tashmë”, deklaroi kancelarja konservatore gjatë një debati për buxhetin 2017 në Dhomën e Ulët të Parlamentit Bundestag.

“Nuk e di se çfarë do të përfitojnë”, shtoi ajo.

“Di vetëm se do të ketë marrëveshje të tjera tregtare. Dhe këto të fundit nuk do të kenë as standardet e kësaj marrëveshjeje, as të marrëveshjeve të parashikuara për tregtinë e lirë mes Evropës dhe SHBA-së (TTIP, apo Tafta), kërcënuar për të dështuar plotësisht.

Miliarderi republikan njoftoi dje se do të angazhohej për të tërhequr SHBA-në nga TTP-ja, nënshkruar në vitin 2015 nga 12 vende të rajonit të Azi Paqësorit, por pa Kinën, në ditën e parë të presidencës.

Kancelarja gjermane, Angela Merkel përshëndeti nënshkrimin e traktatit për tregtinë e lirë mes BE-së dhe Kanadasë (CETA). Sot ekzistojnë traktate që kanë një cilësi të re dhe CETA është e para e kësaj cilësie”, theksoi ajo duke shtuar se mund të ketë një marrëveshje për tregtinë e lirë me SHBA vetëm në nivelin e cilësisë së CETA-s. /Telegrafi/