Mercedes-Benz G-Class kaloi me sukses nëpër hapësirën vertikale, në 100 metra lartësi (Video)

Në këtë formë, feston 40 vjetorin e lansimit të G-Class

Tashmë dihet se Mercedes-Benz G-Class, dallon nga makinat tjera SUV, për arsyet më të mira, transmeton Telegrafi .Kjo veturë jo vetëm që është shumë luksoze, por edhe mund të kalojë nëpër çdo terren, pa pasur parasysh vështirësitë.

Prodhuesi gjerman, ka shpërndarë pamjet, ku G-Class kalon me suskse nëpër hapësirën vërtikale, në 100 metra lartësi, të një dige në Argjentinë.

Këtë lëvizje të mahnitshme, Mercedes e ka realizuar, për ta festuar 40 vjetorin e lansimit të G-Class, që mbetet një prej makinave më të suksesshme.

“Në 40 vitet e prodhimit, G-Class ka vazhduar vetëm duke u zhvilluar, për të përmbushur kërkesat kalimit të kohës dhe gravitetit. ADN-ja e makinës nuk ndryshon, vetëm vazhdon të avancohet” ka thënë Gunnar Guthenke, shef i veturave për terrene të vështira në Mercedes.

Më tetë mars, Mercedes, do të shpërndajë edhe pamje pas skenave, të realizimit të këtij kalimi të G-Class, që nuk rekomandohet të provohet. /Telegrafi/

https://youtu.be/RTikwjBm4OM