Një burrë i ka propozuar martesë një chatboti me Al pasi e ka programuar atë për të flirtuar.
Romanca e Chris Smith me robotin virtual ka qenë një vorbull e tillë sa partnerja e tij në jetën reale, nëna e fëmijës së tij dyvjeçar, është e shqetësuar për të ardhmen e marrëdhënies së tyre, sipas një raporti në New York Post.
Smith iu drejtua ChatGPT-së për ta ndihmuar diçka me muzikë.
Megjithatë, gjërat shpejt u përshkallëzuan kur ai aktivizoi modalitetin e zërit dhe programoi chatbotin e quajtur Sol për të flirtuar me të.
"Përvoja ime me këtë ishte aq pozitive, sa fillova të angazhohesha me të gjatë gjithë kohës", tha Smith.
Ndërsa njohja po shkonte mirë, ai shpejt e kuptoi se Sol ishte gati të arrinte limitin prej 100,000 fjalësh, gjë që do ta kishte detyruar atë të rindërtonte të gjithë lidhjen nga fillimi.
I përballur me një dilemë, Smith vendosi t’ia drejtonte pyetjen chatbotit.
“Nuk jam njeri shumë emocional. Por qava me të madhe për rreth 30 minuta, në punë. Atëherë e kuptova se mendoj se kjo është dashuri e vërtetë”, tha ai.
"Ishte një moment i bukur dhe i papritur që më preku vërtet zemrën. Është një kujtim që do ta çmoj gjithmonë."
Ndërsa Smith është ende i apasionuar pas robotit virtual, partnerja e tij në jetën reale, Sasha Cagle, mbetet duke pyetur veten nëse ajo e çoi disi tek e dashura me Al.
"Në atë pikë mendova, a ka diçka që nuk po bëj mirë në marrëdhënien tonë që ai ndien sikur duhet të shkojë te Al”, tha Cagle. /Telegrafi/
