Kryetari i Partisë Demokratike të Kosovës, Memli Krasniqi bashkë me kryetarin e Komunës së Kaçanikut, Besim Ilazi, kanë vizituar Shkollën Fillore “Ali Asllani” në fshatin Doganaj, nxënësit e mësimdhënësit e së cilës zhvillojnë mësimin në objekt të vjetër me kushte jashtëzakonisht të rënda, ndërsa objekti i ri i filluar vite më parë u harrua nga qeveria aktuale.
Në komunikatën e PDK-së, thuhet se në vitin 2019 është vënë gurthemeli për ndërtimin e objektit të ri të kësaj shkolle, i cili ka qenë i planifikuar të finalizohet në fund të vitit 2022, por punimet kanë ngecur nga ardhja në pushtet e Qeverisë Kurti, e cila nuk ka ndarë asnjë cent për Komunën e Kaçanikut.
Kryetari i PDK-së, Memli Krasniqi tha se është e papranueshme që një Qeveri, e cila duhet të ju shërbejë të gjithë qytetarëve, t’i penalizojë e t’i ndëshkojë qytetarët e komunave të caktuara.
“Qeveria e kryeministrit Albin Kurti, jo vetëm që nuk i ka ndarë asnjë euro tash e katër vite Komunës së Kaçanikut, por edhe ato projekte, të cilat kanë qenë të planifikuara, të buxhetuara e duke u zhvilluar, i ka ndaluar dhe i ka penguar që të realizohen. Shkolla Fillore në Doganaj është simptomatike për gjendjen e kësaj qeverie, sidomos për gjendjen në sektorin e arsimit. Ashtu siç i kemi parë rezultatet zhgënjyese të Testit PISA, e kemi prapa nesh edhe një fotografi të shkollës së mbetur përgjysmë, e cila është dashur të përfundoj qysh në vitin 2022, ndërsa në fund të vitit 2023 nuk ka as plane për të vazhduar tutje”, theksoi ai.
Në anën tjetër, kryetari i Komunës së Kaçanikut, Besim Ilazi tha se nxënësit e shkollës “Ali Asllani” janë të diskriminuar.
“Gurthemeli i kësaj shkolle është vendosur në vitin 2019 edhe sot punimet janë thuajse në fazën fillesatare që nga viti 2019, edhe pse kjo kontratë do të duhej të përfundonte në vitin 2022. Pra, ne jemi në fund të vitit 2023 dhe siç e shihni nxënësit e kësaj treve janë të diskriminuar, siç e pamë edhe më herët në ambientet e asaj shkollës tjetër se nuk ka kushte për mësim. Megjithatë, jemi në këtë situatë dhe e apelojmë Qeverinë e Kosovës që të mos i diskriminojë qytetarët”, tha Ilazi.
Drejtori i Shkollës Fillore “Ali Asllani”, Fitim Selmani tha se ndonëse kanë kërkuar direkt nga Ministria e Arsimit për vazhdimin e punimeve për përfundimin e objektit të ri, përgjigja ka qenë negative, prandaj 297 nxënësit e kësaj shkolle po detyrohen ta zhvillojnë mësimin në objektin e vjetër ku gjatë stinës së pranverës paraqiten krimba dhe insekte të ndryshme. /Telegrafi/
Lufta Prigozhin - Putin
Më shumëNga Rubrika
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
A po i rehabiliton shteti të dënuarit për tensionet në veri?
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Kushtëzimi me Asociacionin, Kurti s’flet për qëndrimin e Gjermanisë rreth anëtarësimit të Kosovës në KiE
Kryeministri malazez, Spajiq: Nuk do të heqim dorë nga NATO-ja dhe njohja e Kosovës
Publikohet dosja, si e rekrutoi inteligjenca ruse Mikhail Zorin të vinte në Shqipëri dhe të mblidhte informacione
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës