Meghan Markle duket se do të trashëgojë disa gjene të modës te vajza e saj – së bashku me një aksesor shumë të veçantë.

“Unë gjithmonë e kam lakmuar orën Cartier French Tank”, tha Markle, për Hello! Në vitin 2015. “Kur kuptova se ‘Suits’ ishin gati për sezonin e tretë – i cili, në atë kohë, ndjehej si një moment historik – unë shpenzova shumë dhe bleva versionin me dy ngjyra”.

“Unë e kisha të gdhendur në anën e pasme, ‘Nga MM për MM’ dhe kam ndërmend t’ia jap vajzës time një ditë. Kjo është ajo që i bën pjesët të veçanta, lidhja që ju keni me to”.

Rastësisht, vjehrra e ndjerë e dukeshës, Princesha Diana, zotëronte dy versione të së njëjtës orë: një Tank Louis, i cili përmban një rrip aligator dhe një Tank Française në ar të verdhë.

Besohet se Princi Harry, 36, trashëgoi këtë të fundit pas vdekjes së nënës së tij dhe në fund ia dhuroi atë Markle, pasi ajo me sa duket u pa duke e vendosur atë gjatë një samiti virtual të revistës Fortune në vitin 2020.

Kujtojmë se Markle zbuloi se ajo dhe Harry ishin në pritje të një vajze gjatë intervistës së tyre me Oprah Winfrey. /Telegrafi/