Mediat franceze zbulojnë të ardhmen e Canës

Lorik Cana mund të mbetet në Nantes edhe për një sezon.

Mbetet ende e paqartë e ardhmja e Lorik Canës edhe për mediat franceze që gjithsesi në tentativën për të hedhur dritë mbi të, zbulojnë disa detaje mjaft interesante në lidhje me kapitenin e Kombëtares Shqiptare që në përfundim të aventurës në Euro 2016 bëri të ditur se shpejt do të zyrtarizojë vendimin për lamtumirën ndaj Kombëtares.

Në një shkrim të portalit butfootballclub.fr, bëhet e ditur se me mbërritjen te Nantes të Carlos Diegos është e qartë se Lorik Cana do të largohet, por siç ka konfirmuar një burim i brendshëm i Nantes, 32-vjeçari në të vërtetë ka edhe një vit kontratë me klubin francez dhe kështu në ditët e ardhshme Cana do të rikthehet në stërvitje me Nantes.

Lexo po ashtu Lorik Cana kuq e zi edhe në pushime (Foto)

Opsioni i largimit të tij gjithsesi mbetet në fuqi, me Lorikun që ka mjaft oferta dhe me shumë mundësi do të transferohet jashtë Evropës.

Gjithsesi nisur nga fakti që mbetet ende në kontratë me Nantes, klubi francez do të përfitojë një shumë simbolike nga transferimi i Canës.

Pavarësisht marrëdhënieve të shkëlqyera që Loriku ka me presidentin e Nantes, Qaldemar Kita, për momentin nuk parashikohet një marrëveshje xhentëlmenësh në mënyrë që Nantes të heqë dorë nga e drejta duke pranuar largimin e Canës me parametra zero, gjithmonë duke ju referuar mediave franceze.